Laro nga ba ito?
Kahit ako'y nahihirapan,
Ika'y aking pilit pinakikinggan
Maski na wala kang hangad
Na kapitan ko ang iyong palad
Nakakatawa ako
Di magawang aminin ang pagsuko
Kahit sabihin mo sa aking mukha
Sa iyo wala na akong pag-asa
Sa iyo ako'y nalilito
Naiiwan akong parang sinto-sinto
Gusto mo ba talaga akong kausapin
Kahit na ang totoo'y dapat mo ako paalisin?
Ano ba talaga'ng gusto mong mangyari?
Tayo'y mag-away o kaya'y magkabati?
Wala na akong laang oras pa
Upang sa laro mo'y makisama
Sa laro mong ito walang nananalo
Nabibiyak lamang kayraming puso
Pagod na ako sa paulit-ulit na paglahok
At maya-mayang pagkain ng alikabok
No comments:
Post a Comment